Մեդիաօլիմպիադան մեդիաինքնակրթության լավագույն միջոցներից է: Գարնանային և ամառային օլիմպիադան ցույց տվեց, թե ինչպես է սովորողը պրպտում, փնտրում իրեն անհրաժեշտ ինֆորմացիան համացանցից, ինչպես է ինքնուրույն աշխատում և այդ ընթացքում ինչքան նոր բան սովորում: Նույնը կարող եմ ասել նաև աշնանային մեդիաօլիմպիադայի մասին: Մեդիամիջոցների կիրառումը սովորողներին էլ ավելի է ոգևորում, առավել հաճույքով են կատարում օլիմպիադայի առաջադրանքները: Ճիշտ է, «Աշուն» մեդիաօլիմպիադան դեռևս չի ավարտվել, բայց ես մի կարևոր փաստ եմ ուզում նշել, որ օլիմպիադայի նկատմամբ հետաքրքրությունը մեծացել է, սովորողների մոտ առավել ակնհայտ է դարձել առաջադրանքները կատարելու պատրաստակամությունը: Պատճառը, կարծում եմ, մեր սովորողների համահարգչային գիտելիքների հարստացումն ու հմտությունների զարգացումն է, որն էլ նրանց մղում է ինքնագործունեության: Ի տարբերություն նախորդ տարվա, այս տարի Դպրոց-պարտեզի 5-6-րդ դասարանցիները կարողանում են ինքնուրույն կայքում նյութեր տեղադրել, արձագանքել այս կամ այն նյութին, հետևել իրենց դասընկերների կողմից տեղադրվող նյութերին, ճիշտ և արդյունավետ օգտագործել թվային միջոցները: Այս բոլոր հմտությունները մեծացնում է սովորողի հետաքրքրությունը մեդիաօլիմպիադաների նկատմամբ: Աշնանային օլիմպիադայի ընթացքում մի հետաքրքիր փաստ էլ արձանագրեցի. սովորողներից շատերը չեն բավարարվում միայն իրենց ընտրությամբ գործունեության առաջադրանքներով. ըստ ցանկության կատարում են նաև իրենց հետաքրքրած այլ ընտրությամբ գործունեության առաջադրանքներ: Դպրոց-պարտեզի 5-6-րդցիները հատկապես հետաքրքրված են էկոլոգիայի առաջադրանքներով: Գուցե զարմանալի է, բայց շատերը կանգ էին առել հենց ծխելու, ծխախոտի հետ կապված էկոլոգիական առաջադրանքի վրա: Հետաքրքիր լուսանկարներ, տեսանյութեր… կարծում եմ` մրցանակների արժանի աշխատանքներ: Աշնանային օլիմպիադայի առաջադրանքներն առավել հետաքրքիր են դարձրել նախագծերը (թանգարանային, հայրենագիտական և այլն): Մեր 5-6-րդցիներն էլ կփորձեն աշնանային արձակուրդն օգտագործել թանգարանային նախագծերից մեկն իրականացնելով` օգտվելով Մ. Սարյանի տուն-թանգարան այցելած մեծ հնարավորութունից:
Քրիստինե Շահբազյան
Որոնել
Օրացույց
Իմ մասին
Բաժիններ
Կայքեր
-
Նորություններ
Արխիվ
Բլոգի հաշվիչ
- 595 872 просмотров
Հղիչներ