Ձայնավորների ուղղագրությունը ( է-Ե, Օ-Ո, Ը )

Է — Ե-ի  ուղղագրությունը

 

Բառասկզբում լսվող  է-ն  է  տառով է գրվում:

Օրինակ ՝  Էջմիածին, էջ, էկրան, էներգիա…

Բացառություն են կազմում  եմ,  ես,  ենք,  եք,  են  բառերը: 

Բառամիջում է   հնչյունը է  տառով է գրվում, եթե բաղադրյալ բառի մեջ մտնող արմատի սկզբնատառ է:

Օրինակ՝  լայնէկրան, վայրէջք, անէանալ, մանրէ, երբևէ

Բառամիջում ե  տառը  է  է  կարդացվում, եթե դրան նախորդում է բաղաձայն հնչյուն:

Օրինակ՝  գետեզր, վերելք, ուղերթ, քսաներեք, ապերջանիկ, տասներկու…

 Բառամիջում  ե  տառը  յէ  է կարդացվում, եթե դրան նախորդում է ձայնավոր հնչյուն:

Օրինակ՝   ամենաերկար, համաեվրոպական, ամենաեռանդուն, կիսաեզրափակիչ, կիսաեփ…

  Օ — Ո-ի ուղղագրությունը

 

Բառասկզբում  լսվող օօ տառով է գրվում:

Օրինակ՝ օր, օդաչու, օդապարիկ, օթյակ, օթևան, օղակ, օրական…
Բացառություն է կազմում ով (ովքեր) բառը:

Բառամիջում  օ հնչյունը  օ  տառով է գրվում, եթե բաղադրյալ բառի մեջ մտնող արմատի սկզբնատառ է:

Օրինակ՝    այսօր, կեսօր, մեղմօրոր, տնօրեն, անօթևան, բացօթյա …

Բառամիջում ո  տառը օ  է  կարդացվում, եթե դրան նախորդում է բաղաձայն հնչյուն:

Օրինակ՝  անողնաշար, քեռորդի, Արագածոտն, փղոսկր, անորոշ, երկոտանի, չորքոտանի…

 Բառամիջում ո    տառը  վօ   է կարդացվում, եթե դրան նախորդում է ձայնավոր հնչյուն:

 Օրինակ՝  ամենաորոշակի, ամենաորակյալ, արջաորս. նրբաոճ, եռաոստ…

 Բառասկզբում լսվող վո-ն գրվում է ո:
 Օրինակ՝  որոնել, ոտք, որդի, որոշել, ոհմակ…

Բացառություն՝ մի քանի օտար բառերի սկզբում լսվող վո-ն գրվում է վո, օրինակ՝ վոլտ,

վոլեյբոլ, վոկալ, վոլֆրամ, Վոլգա, Վոլտեր, Վոլֆգանգ և այլն:
Բայց՝ Ոդիսևս, Որմիզդուխտ:

Ը-ի ուղղագրությունը

 Բառասկզբում լսվող ը-ն գրվում է  ը   ղ, մ, ն  տառերից առաջ: 
Օրինակ՝  ընկեր, ընտիր, ըմպել, ըմբիշ, ընթացք, ընկնել…

 

Մի քանի բառերի սկզբում լսվում է թույլ ը, որը  չի գրվում: Դրանք  զբ, զգ, շպ,
շտ, սպ, ստ, սկ հնչյունախմբերով սկսվող բառերն են. զբաղվել, զգուշանալ,
զգալ, շտապել, շպրտել,  սպիտակ, սկսել և այլն:
Բառամիջում ը գրվում է, եթե կա  ը-ով սկսվող մասնիկ  կամ արմատ:
Օրինակ՝ օրըստօրե, անընդմեջ,  մերթընդմերթ, խաղընկեր, պարընկեր,     հյուրընկալ, սրընթաց, համընկնել,  չընկնել, կընկնի
Մնացած դեպքերում բառամիջում երկու բաղաձայնների միջև
լսվող ը ձայնավորը չի գրվում.

Օրինակ՝  ակնթարթ, անակնկալ, ունկնդրել, առնչվել, գույնզգույն, լուսնկա, հետզհետե, ձեռնտու, մթնկա, մթնշաղ:

Об авторе Քրիստինե Շահբազյան

Մի փոքր իմ մասին. Ծնվել եմ 1984 թ. օգոստոսի 2-ին : Ավարտել եմ Երևանի թիվ 100 միջնակարգ դպրոցը: 2001-2005թթ սովորել եմ ԵՊՀ-ի բանասիրական ֆակուլտետում, ապա ուսումս շարունակել նույն բաժնի մագիստրատուրայում: Այժմ աշխատում եմ "Մխիթար Սեբաստացի" կրթահամալիրում: Դասավանդում եմ մայրենի Գեղարվեստի կրտսեր 4-5-րդ դասարաններում:
Запись опубликована в рубрике Հայոց լեզու (քերականություն), Հաշվետվություններ. Добавьте в закладки постоянную ссылку.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s