![](https://kristina6288.wordpress.com/wp-content/uploads/2023/09/img_0687.jpeg?w=640)
Ողջո՜ւյն, սիրելի 5-րդ դասարանցի:
Առաջարկում եմ ամառը միասին ավելի հետաքրքիր ու արկածային դարձնենք: Համաձայնի՛ր ինձ հետ, որ ամառը արկածային գրքերի աշխարհում թափառելու ամենահարմար ժամանակն է:
Ուրեմն կարդա՛, բացահայտի՛ր, ճանաչի՛ր, ծիծաղի՛ր և, ամենակարևորը, պատմի՛ր բլոգումդ կարդացածդ գրքերի, քո տպավորությունների մասին: Ես անհամբեր կսպասեմ քո պատումներին:
Ե՛կ անընդհատ լինենք կապի մեջ. ուր էլ որ լինես՝ քաղաքում, գյուղում, թե Հայաստանի սահմաններից դուրս:
Առաջարկում եմ 2 տիպի առաջադրանք:
- Այս կետը վերաբերում է ամառային ընթերցանությանը: Համաձայնի՛ր ինձ հետ, որ ամառը արկածային գրքերի աշխարհում թափառելու ամենահարմար ժամանակն է: Ուրեմն կարդա՛, բացահայտի՛ր, ճանաչի՛ր, ծիծաղի՛ր և, ամենակարևորը, քո տպավորություններով, ապրումներով կիսվի՛ր` պատմելով քո կարդացած գրքի մասին բլոգումդ: Ես անհամբեր կսպասեմ քո պատումներին:
Ահա իմ առաջարկած գրքերի ցանկը`
Աստրիդ Լինդգրեն
Էրիխ Ռասպե
Լայամ Ֆրենկ Բաում
Վախթանգ Անանյան
Կարլո Կոլլոդի
Ազատ Շահինյան
Ալան Ալեքսանդր Միլն
Ջեմս Գրինվուդ
Մարկ Տվեն
Ջաննի Ռոդարի
Վիլյամ Սարոյան
Հեկտոր Մալո
Ռոալդ Դալ
- Չարլին և շոկոլադե գործարանը
- Մաթիլդա
- Կտրիճ աղվեսը
- Աշխարհի չեմպիոն Դանին
- Ընձուղտը, Պեղոն, մեկ էլ ես
- Ջորջի հրաշագործ բալասանը
- Ջեյմսն ու հսկայական դեղձը
- Չարլին և ապակե մեծ վերելակը
- Մեծ և բարի հսկան
Օգտվի՛ր, ընտրի՛ր ու կարդա՛ նաև ամառային այս «Ընթերցարան»-ից:
Գրքերը կարող ես կարդալ և՛ էլեկտրոնային, և՛ տպագիր տարբերակով:
Հիշեցնեմ, որ կրթահամալիրի գրադարանը բաց է լինելու ողջ ամառ:
Յուրաքանչյուր գիրք կարդալուց հետո բլոգումդ ներկայացրո՛ւ՝
- Ի՞նչ գիրք ես կարդացել(վերնագիրը, հեղինակի անունը):
- Քեզ դուր եկած ամենահետաքրքիր հատվածը կամ արտահայտությունը:
- Առանձնացրո՛ւ հերոսներին, նկարագրի՛ր և բնութագրի՛ր նրանց:
- Գրի՛ր կարծիք կարդացածդ գրքի մասին:
2. Պատմի՛ր քո ամառային հանգստի մասին: Որտեղ էլ լինես, պատմի՛ր քո գտնվելու վայրի մասին( լավ կլինի` քեզ մոտ մի փոքրիկ նոթատետր ունենաս, որտեղ կարող ես գրառումներ անել, պատմել այդ պահին քո զգացողությունները, ապրումները ), լուսանկարի՛ր, ձայնագրի՛ր, տեսաֆի՛լմ պատրաստիր: Կիսվի՛ր տպավորություններովդ: Անպայման տեղադրի՛ր բլոգումդ:
Հ.Գ. Եթե կլինեն անհասկանալի հարցեր, անպայման գրի՛ր, սիրով կպատասխանեմ:
Մաղթում եմ արկածային, գունեղ և ստեղծական ամառ:
Սիրով՝ ընկեր Քրիստինե