Այսօր Գեղարվեստի կրտսեր դպրոցի 4-5-րդ դասարանցիներին հյուր էր եկել «շրջիկ գրադարանը» հետաքրքիր, գեղեցիկ, գունազարդ գրքերով:
Մայր դպրոցի կենտրոնական գրադարանի հետ համատեղ նախագիծը դեռևս մեկ ամիս առաջ է մեկնարկել: Նախագծի նպատակն է սովորողների շրջանում խրախուսել ընթերցանությունը, գրքի, ընթերցանության նկատմամբ սովորողների հետաքրքրությունը, ծանոթացնել գրադարանի առաջարկներին,նոր հրատարակված գրքերին:
Սկզբում մենք հյուր գնացինք գրադարանին, ապա կազմակերպեցինք առցանց քննարկում, այսօր էլ գրադարանը մեզ հյուր եկավ հետաքրքիր ու գեղեցիկ գրքերով: Սովորողներն իրենց նախընտրած գրքերից հատվածներ ընթերցեցին: Գիրքը մի փոքր ներկայացնելուց-գովազդելուց հետո խորհուրդ տվեցին իրենց դասընկերներին էլ կարդալ: Այս անգամ էլ որոշեցինք «շրջիկ գրադարանի» այցի մասին մեր կարծիքներն առցանց դասի միջոցով ներկայացնել-քննարկել: