« Աբովյանի հետ» նախագծի շրջանակում «Հյուսիսափայլ» ռադիոն շարունակում է հանդիպում-հարցազրույցների շարքը կրթահամալիրի տնօրեն Աշոտ Բլեյանի հետ: Այս անգամ քայլարշավ-հանդիպման թեման է տիար Բլեյանի մանկության Զանգուն իր վտակով` Գետառով:
Մասնակիցներ` «Հյուսիսափայլ» ռադիո, դասավանդողներ, Վրաստանի թիվ 98 դպրոցի վրաց սովորողներ, կրթահամալիրի սովորողներ
Իրականացման օրը` ապրիլի 27
Նախագծի ընթացքը
- «Հյուսիսափայլ»-ի լրագրողների հետ ուսումնասիրում ենք Զանգվի երակները` Գետառը
- Հանդիպում -հարցազրույց-քայլարշավ կրթահամալիրի տնօրեն Աշոտ Բլեյանի հետ
- Այցելություն Երևանի թիվ 81 դպրոց
- Քայլարշավի ուղղությունները (հատված տիար Բլեյանի օրագրից)`
Զանգվի ձախ ափով՝ Սևանի փակուղուց անցում Արշակունյացով, Կաշեգործների փողոցով, Զանգվի հոսանքին հակառակ, բարձրում թողնելով Կոմիտասի այգին, նախկին տրամվայի հավաքակայանը, Երևանի բերդը, մինչև Հաղթանակի կամուրջ, այնտեղից, արդեն բարձունքով, «Նոյ» գինու-կոնյակի կոմբինատի արևմտյան ճակատով, իմ մանկության ջրանցքի երկայնքով, գահավիժում Զանգվի հոսանքով․․․ «դաշտ ու տափ դմդմբացնելով, դրնգացնելով ու կայծակի թուրը բերնին բռնած․․․» մինչև Ղռեր, Շենգավթի կամրջով Եռաբլուր․․․ կրթահամալիրի Բանգլադեշ։ Այո՛, ոտքով։
- Լուսաբանումը` «Հյուսիսափայլ» ռադիոյի:
Լուսանկարը` կրթահամալիրի տնօրենի օրագրից: