«Սուրբ Ծննդյան խորհրդով» համագործակցային նախագիծ
Համագործակցող ուսումնական հաստատություն՝ Արցախի Մարտակերտի շրջանի Մաղավուզ գյուղի միջնակարգ դպրոց
Նպատակը
- ազգային մշակույթի յուրացում, փոխանցում, տարածում
- երաժշտական, ընթերցողական հմտությունների ձևավորում
- Սուրբ Ծննդյան տոնի ծանոթացում
- Բլեյան կրթական ցանցի տարածում
Խնդիրները
- նախագծի միջոցով հաղորդակից դարձնել ազգի մշակույթին, նպաստել դրա յուրացմանը,
- երաժշտական և լեզվական մշակույթի, մտածողության կրթում, ձևավորում և զարգացում,
- ազգային, հոգևոր նյութի յուրացում,
- ստեղծագործական երևակայության զարգացում,
- համագործակցային և թիմային հմտությունների ձևավորում:
Մասնակիցներ
Արցախի Մարտակերտի շրջանի Մաղավուզ գյուղի 4-9-րդ դասարանների սովորողներ, դասավանդողներ, ծնողներ:
Ժամանակացույց՝ դեկտեմբերի 16, ժամը 13.00
Համակարգողներ՝ Քրիստինե Շահբազյան, Հասմիկ Մաթևոսյան
Հեռավար թեմատիկ հանդիպումները կիրականացվեն Zoom հարթակում:
Ծրագրում՝
- Սուրբ Ծննդյան ավետիսներ
- Ընթերցումներ Զահրատից
Սուրբ Ծննդյան ավետիսներ
Մելքոն Գասպար և Բաղդասար Ավետիս
Քրիստոս ծնավ և հայտնեցավ ավետիս:
Եփե մայրիկ եփե թանելի փլավ,
Հիմա պապան կու գայ անոթի ծարավ,
Հայրիկին բասթոնը ժամը մնացեր,
Մամային աչքերը բոլոր մնացել:
Մհեր ճութ էր, ճթացավ,
Քյանց բարդի ծառ՝ երականացավ,
Մհեր նստեր կապույտ քուռակ
Մեջքին կապեր պողպատ, ուրագ,
Սուրբ Կարապետ տա ձեր մուրազ
Տա ձեր մուրազ՝ Ալելույա:
Ընթերցումներ Զահրատից
Լոյսեր (լույսեր)վառեցէք – եթէ չի բաւեր(բավեր)
Ձեզ տաքցնելու ձեր լոյսը ներքին-
Տօն է այս գիշեր…
Յոյսեր(հույսեր) վառեցէք – եթէ չեն բաւեր
Ձեզ տաքցնելու ձեր յոյսերը հին-
Տօն է այս գիշեր…
Լոյսեր ու յոյսեր վառեցէք գոյն գոյն(գույն-գույն),
Երգեր երգեցէք հինէն ու նորէն-
Տօ՛ն է այս գիշեր․․․
Անուշապուր
Կաղանդ Պապա մը գար
Նվերներ բերեր
Տար տար չհատներ:
Ծառ մը բարձրանար
Թիզ թիզ -օրեօր-
Երկինք չհասներ։
Ինչ որ կյանք կըսենք
Անուշապուր մը ըլլար-ուտեինք-
Կեր կեր- չհատներ:
Կաղանդ Պապային մօրուքը
Կաղանդ Պապային մօրուքը ճերմակ է
Ալիւրի(ալյուրի) նման,
Ըսէ — Կաղանդ Պապա
Մօրուքէդ հաց կը շինուի՞(կշինվի՞)
Երգերի ռիթմիկ նվագակցություն ստանալու համար մասնակիցները իրենց հետ կարող են ունենալ զանգեր, զանգակներ, գդալներ: